Illuliat ilaani ininilu ingerlatsinermut tunngasuni aaqqiinerit malittariaqarput. Sanaartukkap atorneqarsinnaanemut piareerneranut piumasaqaatinut ilaatinneqartarput aamma tapertatut piumasaqaatitut isigineqassallutik. Malittarisassat atuupput qaqugukkulluunniit illuliap inilluunniit atulernissaanut atuullutik aamma piginnittup atuisussalluunniit akisussaaffigissavaa, tassa illuliat inilluunniit atorneqassallutik piareeneqaraangata.
Ingerlatsinermut tunngasuni malitassat ukununnga atuupput:
- Akunnittarfinnut allanulluunniit inunnut minn.qulinut unnuiffiusinnaasunut sinittarfilinnut.
- Plejehjemmini qulit sinnerlugit siniffiusinnaasuni
- Katersortarfinni inuit 150-t sinn. kateriffiusinnaasuni, kisianni annaasiniartartut upalungaarsimasut ingerlatitsinermut tunngasut inuit 50-it sinnillilluunniit pineqaraangata aallamik malitassamik aaqqiisinnaapput.
- Atuartitsiviusartut inunnut 150-it sinnilinnut naatsorsuusat.
- Meeqqanut inissiisarfiit inunnut 50-inut sinnilinnulluunniit naatsorsuussat imlt.qulit sinnerlugit siniffiusinnaasut.
- Pisiniarfinni inunnut 150 sinnilinnut naatsorsuussat.
- Feeraiartarfinni attartorneqarsinnaasuni inunnit qulit sinnilinnit unnuiffigineqarsinnaasut, taakkunani annaasiniartartut upalungaarsimasullu ingerlatsinermut tunngasunik aaqqiisinnaapput.
Sanaartukkat inillu pineqartut kommunep qatserisarnermut takusartagaanut piumasaqaammut ilaatinneqarajupput.
Piumasaqaatinut ingerlatitsinermut tunngasunut makku ilaatinneqarajupput:
- Sulisunik ilitsersuineq
- Malittarisassat
- Aqqutit qimaafissiat taakkulu qaammaqquteqartinneqarnerat
- Init agguarneqarnerannut siunnersuutinut akuersissutit
- Qatserinermut atortut
- Matut innermut pitaannaveeqqutit
- Kalerrisaarinermut atortut
- El-sikkerhedsattesti
Ingerlatsinermut tunngasuni malitassat uani takukkit Se driftsmæssige forskrifter her