Ikuallajaallisaanermi atortut
Tissaluttartuliaq nammineerluni aallartartoq (AVS)
AVS-anlægimi atortut tassa ikuallajaallisaanermi uninngaannartussat nammineerlutilli aallartartut soorlu tissaluttartut kissappallaalersumi (70 gradit miss.)allartittartoq. Tissaluttartut kissarnermi aallartittartut ikuallannermut qatserilersarput. Atortup aamma siggartaat kalerrisaarut qaammaallatsitsisartorlu aallartittarpaat, taamattaaq upalungaarsimasunut kalerrisaarut.
AVS-imut atortut nutaat ullumikkut DBI Retningslinie 251/4001 malitassaraat.
Ikuallattuulernermi kalerrisaarut nammineerluni aallartittartoq (ABA)
ABA-mut atortut tassaapput tassaapput ikuallajaallisaanermut atortut uninngaannartussat, taakku kissassuseq aalajangersimasoq pujorluunniit aallartissutigisarpaat, ikuallannerlu pilerneraniit maligisarlugu. Taamaasinermi upalungaarsimasut kalerrisaarinikkut nalunaarfigineqartarput, taakkulu aggerlutik. Taakku saniatigut aamma kaleerisaarut illumiittoq aallartittarpoq.
ABA-mut atortut aamma allanikpingaanginnernik atortorissaarutitaqartarput, soorlu iluallalernermi silaannarissarfiit aallartillugit, kalerrisaarutit aallartillugit, ikuallattoqalerneranilu matut silaannaallu iserfiginissai matullugit.
ABA-nut atortut nutaat ullumikkut DBI Retningslinie 232 malittussaavaat.
Ikuallattoqalernerani silaannarissarneq nammineerluni aallartittartoq (ABV)
ABV –p siunertarigajuppaa illumit putsumik kissassusermillu silaannarissaaneq (aniatistsineq),
- taamaasillutik inuit qimaaffissanik atuisinnaaqqullugit,
- ikuallattoqalersillugu sanaat atatitsisut (bærende konstruktioner) allanngornatik ataannarsinnaaqqullugit
- inini angisuuni ikuallannerup killeqartumik siaruarnissaa
ABV tassaasinnaavoq silaannarissarfik nalinginnaasoq illup qulaani inissisimasoq imlt.sullut atorlugit silaannarissaavilaiq. ABV silaannarmik taarteqassaaq soorlu igalaat, matut, isaaffiit imlt.nammineerluni pujoq kissartoq illumiit aniatissallugu. ABV upalungaarssimasunit aallartinneqarsinnaavoq imlt.taamaattussanngorlugu piareersarneqarsimassalluni.
Kommunemi ABV-mi atortut nutaat DBI Retningslinie 027 malittussaavaat.
Ikuallajaallisaanermi atortut nalinginnaasut pillugit
Illup napanerat nalaani ikuallajaallisaanermut tunngasut piffissap ingerlanerani misissorneqartassapput, soorlu ataaniittoq malinneqarsinnaavoq.
- Ingerlatsineq aserfallatsaaliinerlu DBI Retningslinie 005 malillugu
- DBI Retningslinie 006 malillugu atortut kattunneqarsimasut suliarineqassapput
Ingerlatsinermi minnerpaamik inuk ataaseq akisussaassussaq toqqarneqassaaq, taassuma ulluinnarni ingerlatsineq aserfallatsaaliinerlu ingerlatissavai, taamattaaq atortut misissorneqartarneri , iluarsaaneqartarneri takusartarnerilu nakkutigisarissallugit.